Iłan Mask upieršyniu ŭznačaliŭ rejtynh Forbes
Miljarder Iłan Mask uznačaliŭ samy viadomy rejtynh najzamožniejšych biznesmienaŭ u ZŠA — štohadovy śpis «Forbes». U štohadovy «chit-parad» prestyžnaha vydańnia ŭvajšli 400 samych pradprymalnych i bahatych ludziej ZŠA.
Mask u 2021 hodzie byŭ nazvany samym bahatym čałaviekam u śviecie, ale pa viersii vydańnia Bloomberg. Ciapier ža jon pieršy i pavodle štohadovaha rejtynhu Forbes.
Bahaćcie Maska — 251 młrd dalaraŭ. Uražvaje, nakolki chutka jano rasło: jašče hod tamu Mask mieŭ «tolki» 191 młrd, u 2020-m — 68 młrd, a piać hadoŭ tamu — kala 20 młrd dalaraŭ.
Viečny kankurent Maska, stvaralnik Amazon Džef Biezas, sastupaje vielmi značna, u jaho «ŭsiaho tolki» 151 młrd.
Treciaje miesca zaniaŭ Bił Hiejts — 106 miljardaŭ dalaraŭ.
«Najbiadniejšy» ź fihurantaŭ śpisu ŭ hetym hodzie maje 2,7 młrd dalaraŭ.