Kiraŭnik MZS Polščy Rau: NATA ŭstupić u vajnu z Rasijaj u vypadku jadziernaha ŭdaru pa Ukrainie
Ministr zamiežnych spraŭ Polščy Źbihnieŭ Rau ŭ intervju radyjostancyi RMF FM 29 vieraśnia zajaviŭ, što NATA moža nanieści niajadzierny ŭdar pa Rasii. Ale tolki ŭ vypadku jadziernaha ŭdaru Rasii pa Ukrainie.
«Da hetaha času nichto nie razhladaŭ mahčymaści prymianieńnia jadziernaj zbroi. U takoj situacyi adkaz krain NATA byŭ by, imavierna, taki, jak heta pradstaviŭ šef Nacyjanalnaj rady biaśpieki ZŠA Džejk Salivan. Heta pryviało b da niajadziernaha adkazu na terytoryi Ukrainy», — zajaviŭ jon.
Jašče raniej polski ministr u intervju NBC News zajaviŭ, što krainy Zachadu arhanizujuć «razburalny adkaz» u vypadku prymianieńnia Rasijaj jadziernaj zbroi, što aznačała b pačatak vajny z Rasijaj.