Na aeradromie ŭ Krymie — pažar, raźbiŭsia vajskovy samalot
Sievastopalskija pabliki publikujuć fota i videa vybuchaŭ i čornaha dymu kala aeradroma Bielbiek.
Fota: sacsietki
Hubiernatar Sievastopala patłumačyŭ vybuchi na aeradromie tym, što samalot vykaciŭsia za miežy ŭźlotna-pasadačnaj pałasy i zahareŭsia.
«Pazaštatnaja situacyja na aeradromie Bielbiek. Pavodle infarmacyi ratavalnikaŭ, pry pasadcy samalot vykaciŭsia za miežy ŭźlotna-pasadačnaj pałasy i zahareŭsia. Ciapier na miescy pracujuć pažarnyja raźliki. Prašu zachoŭvać spakoj», — napisaŭ Michaił Razvažajeŭ.
Paźniej Razvažajeŭ dadaŭ, što piłot paśpieŭ evakujavacca, pažar apieratyŭna patušany, aeradrom nie paciarpieŭ.
Aeradrom Bielbiek raźmieščany ŭ 8 km na poŭnač ad horada Sievastopal. Tam bazujecca źniščalny avijacyjny połk.