Bajcy pałka Kalinoŭskaha padčas šturmavoj apieracyi ŭziali troch pałonnych
Padčas praviadzieńnia šturmavoj apieracyi 3 kastryčnika vajary pałka Kalinoŭskaha ŭziali troch pałonnych, paviedamlaje pres-słužba pałka.
Adzin ź ich byŭ paranieny. Paramiedyki akazali jamu pieršuju miedycynskuju dapamohu.
Učora paviedamlałasia, što 3 kastryčnika adzin z bajcoŭ padraździaleńnia zahinuŭ na poli boju pry šturmavoj apieracyi. Proźvišča zahinułaha kalinoŭca nie nazyvajuć. Jašče čatyry vajary byli paranienyja, ale ich žyćciu ničoha nie pahražaje.