Mužčynu asudzili da siami hadoŭ kałonii za pieradaču źviestak i «zachoŭvańnie bojeprypasaŭ»
U Hrodzienskim abłasnym sudzie 51-hadovaha minčuka Valeryja Barzienku asudzili da siami hadoŭ pazbaŭleńnia voli ŭ kałonii ŭzmocnienaha režyma. Sudździa Viktar Siańko pryznaŭ mužčynu vinavatym pavodle č. 3 art. 130 i č. 2 art. 295 Kryminalnaha kodeksa, piša «Viasna».
Barzienku pryznali vinavatym u tym, što jon nakiravaŭ u telehram-boty «destruktyŭnych kanałaŭ» infarmacyju pra svajho byłoha kiraŭnika. Zhodna z abvinavačańniem, raźmiaščeńnie infarmacyi, atrymanaj ad Barzienki, paciahnuła za saboj «inšyja ciažkija nastupstvy».
Taksama jaho pryznali vinavatym u tym, što jon nibyta nabyŭ i zachoŭvaŭ bojeprypasy da naraznoj ahniastrelnaj zbroi.