U Mazyry adbyłosia DTZ sa słužbovaj mašynaj DAI
8 kastryčnika a 16:11 na vuł. Praletarskaj u Mazyry adbyłosia DTZ z udziełam słužbovaha aŭtamabila DAI «Džyli». Aŭtainśpiekcyja śćviardžaje, što ich aŭtamabil jechaŭ z majačkami.
Jak piša «Homielskaja praŭda», ekipaž «apieratyŭna ruchaŭsia na dapamohu inšamu naradu, jaki zatrymlivaŭ pravaparušalnika, što akazvaŭ supraciŭleńnie». Padrabiaznaściej taho zdareńnia nie paviedamlajuć.
Pry hetym nibyta byli ŭklučanyja majački čyrvonaha i siniaha koleraŭ, a taksama hukavaja sirena.
Supracoŭniki DAI vyjechali na pałasu sustrečnaha ruchu dla abjezdu transpartu, dzie i adbyłosia sutyknieńnie z aŭtamabilem «Ford Fokus», za rulom jakoha byŭ 42-hadovy miascovy žychar. Kiroŭca pavaročvaŭ naleva.
U zdareńni nichto nie paciarpieŭ, aŭtamabilam naniesieny paškodžańni. Pa fakcie DTZ pravodzicca pravierka, paviedamili ŭ DAI UUS abłvykankama.