Zatrymali błohiera — vinavaciać u tym, što «kpiŭ z rasijskich siłavikoŭ»
Paśla žniŭnia 2020 hoda chłopiec pačaŭ vieści ŭłasny błoh Ukantakcie. Ciapier u jaho amal 6,5 tysiačy padpisantaŭ, a kožny dopis nabiraje pa niekalki tysiač prahladaŭ.
Chłopca kličuć Maksim (proźvišča nieviadomaje), jon rodam z vakolicaŭ Marjinaj Horki. U 2019 hodzie pastupiŭ na histfak Biełaruskaha dziaržaŭnaha piedahahičnaha ŭniviersiteta, ale byŭ adličany z treciaha kursa (nie pa palityčnych matyvach).
Maksim u sacsietkach asudžaŭ vajnu. Jon publikavaŭ zdymki razburanych ukrainskich haradoŭ i paraŭnoŭvaŭ rasijskija ŭłady z nacysckimi. 1 krasavika jaho staronku va ŭkantakcie zabaranili na terytoryi Rasii.
Niadaŭna jaho zatrymali. HUBAZiKaŭcy śćviardžajuć, što jon «radavaŭsia śmierciam rasijskich vajskoŭcaŭ» i «abraziŭ Łukašenku». Taksama Maksim, jak zajaŭlajuć siłaviki, byccam by chacieŭ pajechać vajavać va Ukrainu i źviartaŭsia ŭ bot Pałka Kalinoŭskaha z hetaj nahody.
Vielmi časta ŭ takich vypadkach abvinavačvańni nadumanyja.
U kanale siłavikoŭ paviedamlajecca, što suprać chłopca zaviedzienaja kryminalnaja sprava.