Kiraŭnica MZS Indaniezii paćvierdziła ŭdzieł Zialenskaha i Pucina ŭ samicie G20
Ministarka zamiežnych spraŭ Indaniezii Retna Marsudzi paćvierdziła, što prezidenty Rasii i Ukrainy płanujuć asabista naviedać samit «Vialikaj dvaccatki», jaki projdzie 15-16 listapada na indaniezijskim vostravie Bali. Pra heta piša partał Okezone.
Pa słovach Marsudzi, MZS praciahvaje naładžvać suviaź ź dźviuma krainami, niahledziačy na toje, što situacyja ŭ śviecie ŭskładniajecca i zastajecca «vielmi dynamičnaj».
Jak adznačyła kiraŭnica MZS Indaniezii, u krainie prykładajuć maksimum namahańniaŭ dla taho, kab na samit prybyli ŭsie zaprošanyja kiraŭniki dziaržaŭ. Zialenski pry hetym zaprošany ŭ jakaści vyklučeńnia, bo Ukraina nie ŭvachodzić u G20.