Urad Hiermanii rychtuje zajavu na vypadak «źmieny situacyi ź Biełaruśsiu»
Pra toje, što niamiecki ŭrad rychtuje niejkuju zajavu pa Biełarusi, pieradaje karespandent Deutsche Welle ŭ Bierlinie. Havorka, vidać, idzie pra mahčymaje ŭstupleńnie aficyjnaha Minska ŭ vajnu.
Aficyjnaja rezidencyja fiederalnaha kanclera Hiermanii. Fota: Vikipiedyja
U toj ža čas Hiermanija hatovaja abmiarkoŭvać 9-y pakiet sankcyj suprać Rasii, ale ličyć nieabchodnym dobra padrychtavać i ŭzhadnić jaho z usimi krainami Jeŭrasajuza.
U pytańni ab sankcyjach, kažuć krynicy DW ź viedamstva fiederalnaha kanclera, treba adzinstva. Pakul ža, pa ich słovach, jość roznyja ŭjaŭleńni pra chutkaści ŭviadzieńnia sankcyj i ich źmiest.
Kamientavać ukaz Pucina ab vajennym stanoviščy na akupavanych Rasijaj terytoryjach Ukrainy pradstaŭniki niamieckaha ŭrada pakul admovilisia.