Žychary Sielhaspasiołku pratestujuć suprać znosu
Bolej za sto žycharoŭ mienskaha Sielhaspasiołku praviali schod, na jakim abrali inicyjatyŭnuju hrupu pa stvareńni kamitetu samakiravańnia.
Uładalnikaŭ pryvatnych damoŭ aburajuć plany haradzki uładaŭ, pavodle jakich pryvatnyja damy na terytoryi Sielhaspasiołku buduć źniesienyja, a žycharoŭ adsielać u šmatkvaternyja panelnyja damy.
Jakaja firma atrymała zamovu na budavańnie kamercyjnaja žylla na miescy pryvatnych damoŭ, ludziam navat nie kažuć.
«U Drazdach i vakoł Cnianskaha vadaschovišča katedžy budavać možna, a nas dyk treba znosić! Ale my chočam tut žyć, i narešcie pamierci taksama tut, jak našy baćki», – zajaviŭ žychar Sielhaspasiołku Andrej Pap.
«Pad hetym rajonam raźmieščanyja płasty padziemnych vodaŭ, jakimi karystajecca niekalki rajonaŭ horadu. Kali tut pabudujuć šmatpaviarchovyja damy, heta całkam źniščyć vodazabor «Navinki», – miarkuje udzielnik schodu, były supracoŭnik Akademii navuk Leanid Vialička.
Pradstaŭnik partyi BNF Vincuk Viačorka, jaki taksama braŭ udzieł u schodzie, zajaviŭ: «Sielhaspasiołak» pačali budavać u 1945 hodzie. Tut damy budavali prostyja ludzi, pracaj jakich adnaŭlaŭsia paślavajenny Miensk.
Hetym ludziam kamunistyčnaja ŭłada nie davała kvatery ŭ damach u centry, potym im zabaranili atrymać va ŭłasnaść ziamlu pad ułasnymi damami, a zaraz naohuł vyhaniajuć z damoŭ».
Schod ahulnym hałasavańniem uchvaliŭ zvarot, u jakim patrabujecca naładzić hramadzkaje abmierkavańnie prajektu hieneralnaha planu horadu. U planach inicyjatyŭnaj hrupy – damahacca praviadzieńnia miascovaha referendumu adnosna znosu pryvatnaha sektaru.