«Amierykaniec» paabiacaŭ biełaruscy ščodryja padarunki, ale ŭ vyniku raźvioŭ jaje na hrošy
48-hadovaja žycharka horada Miory Viciebskaj vobłaści paznajomiłasia ŭ siecivie z chłopcam, jaki pradstaviŭsia ruskamoŭnym hramadzianinam ZŠA. Paśla listavańnie ŭ instahramie nibyta amierykaniec prapanavaŭ žančynie dasłać joj padarunki na 22 000 dalaraŭ. Ale ŭ vyniku jana nie nabyła, a straciła, piša rečyckaja rajonka «Dniaproviec».
Pakul žančyna adpačyvała ŭ adnym z sanatoryjaŭ Rečyckaha rajona, ź joj źviazaŭsia «supracoŭnik mytnaj słužby», jaki daŭ kantakty karty, na jakuju treba było pieraličyć 1300 rubloŭ — nibyta zbor za atrymańnie kaštoŭnaj pasyłki z ZŠA. Jany pavieryła i pieraličyła. I hetym samym patrapiła na vudu machlaroŭ.
Pry hetym kartka, na jakuju pieraličyła hrošy paciarpiełaja, była vyrablenaja ŭ Biełarusi. Zaviała jaje pa prośbie takoha ž «siabra», tolki hetym razam z Łondana, inšaja biełaruska, jakaja pieradała machlaru ŭsie źviestki. Jak kažuć u Rečyckim RAUS, karta vykarystoŭvałasia dziela padobnych metaŭ nieadnarazova, i vierahodna, što pa hetaj samaj schiemie.