Lehiendu iranskaha futbołu aryštavali za padtrymku pratestaŭ u krainie
U Iranie aryštavali lehiendarnaha miascovaha spartsmiena Ali Dajei. Viadomy eks-futbalist krytykavaŭ uładu za žorstkaje abychodžańnie z pratestoŭcami i vystupaŭ za toje, kab zbornaja Irana za heta była adchilena ad čempijanata śvietu, jaki mienš čym praź miesiac maje adbycca ŭ Katary.
Ali Dajei na losavańni čempijanata śvietu
Lehiendarny eks-futbalist zbornaj Irana Ali Dajei ŭ svoj čas pahulaŭ u Hiermanii za «Arminiju», «Bavaryju» i «Hiertu». Za nacyjanalnuju zbornuju jon, hulajučy za jaje z 1993 pa 2006 hod, zabiŭ ažno 109 hałoŭ, i z 2004 pa 2021 hod byŭ pa hetym pakazčyku suśvietnym rekardsmienam, tolki letaś jaho abyšoŭ znakamity partuhalec Kryšcijanu Ranałdu.
Dniami ž były futbalist byŭ aryštavany na radzimie. 53-hadovy Dajei padtrymlivaŭ pratestoŭcaŭ, jakija pačali vychodzić na vulicy Irana paśla śmierci 22-hadovaj Machsy Amini, jakuju pabiła «palicyja noravaŭ».
Raniej ułady Irana adabrali ŭ Dajei pašpart, što zrabiła dla jaho niemahčymym vyjezd za miažu.
Dajei razam z mnohimi inšymi viadomymi hulcami i eks-hulcami zbornaj Irana vystupiŭ sa zvarotam da FIFA z prośbaj adchilić nacyjanalnuju kamandu jahonaj radzimy ad Čempijanata śvietu — 2022 u suviazi z žorstkimi dziejańniami ŭładaŭ u adnosinach da ŭłasnaha naroda.
Cikava, što viasnoj Ali Dajei prysutničaŭ na losavańni finalnaj častki ČS-2022 u Dosie ŭ jakaści hanarovaha hościa i ŭdzielnika pracedury.