U Minsku da 12 hadoŭ kałonii ŭ zakrytym režymie asudzili 27-hadovaha žychara Viciebska
U Minskim haradskim sudzie vynieśli žorstki prysud 27-hadovamu Vadzimu Vasiljevu ź Viciebska — 12 hadoŭ kałonii va ŭmovach uzmocnienaha režymu i štraf u pamiery 500 bazavych vieličyń (16 000 rubloŭ).
Chłopca asudzili pa šaści artykułach Kryminalnaha kodeksa nibyta za administravańnie telehram-kanałaŭ «Viciebsk 97%» i «Orša 97%».
Padrabiaznaści spravy nieviadomyja, bo sud prachodziŭ u zakrytym režymie amal miesiac. Taki prysud vyniesła sudździa Taćciana Falkoŭskaja.
Chłopca zatrymali ŭ kancy maja 2022 hoda. Na «pakajalnym» videa Vadzim kazaŭ, što byŭ administrataram čataŭ i kanałaŭ «Viciebsk 97%» i «Orša 97%» u žniŭni 2020 hoda.