Departamienta pa likvidacyi nastupstvaŭ katastrofy na Čarnobylskaj AES bolš nie budzie
Alaksandr Łukašenka 14 listapada padpisaŭ ukaz № 405 «Ab Ministerstvie pa nadzvyčajnych situacyjach Respubliki Biełaruś». Dakumientam skasoŭvajecca Departamient pa likvidacyi nastupstvaŭ katastrofy na Čarnobylskaj AES.
KPP «Babčyn» — centralny prapuskny punkt u Čarnobylskuju zonu na terytoryi Biełarusi. Fota: atominfo.ru
Zadačy i funkcyi skasavanaha departamienta i jaho strukturnych padraździaleńniaŭ pieradajucca Dziaržatamnahladu MNS, Ministerstvu pryrodnych resursaŭ i achovy navakolnaha asiarodździa, kancernu «Biellehpram», Homielskamu i Mahiloŭskamu abłvykankamam.
Ukazam taksama zaćviardžajucca novyja redakcyi pałažeńniaŭ ab MNS i jaho departamientach.