U Leninhradskaj vobłaści ŭzarvaŭsia hazapravod
U Leninhradskaj vobłaści pačaŭsia pažar paśla vybuchu na hazapravodzie. Pahrozy nasielnictvu i raspaŭsiudžvańnia ahniu na žyłyja masivy niama, paviedamiŭ hubiernatar Leninhradskaj vobłaści Alaksandr Draździenka.
U horadzie Usiavołžsk (Leninhradskaja vobłaść) pačaŭsia pažar paśla vybuchu na hazapravodzie, paviedamiŭ u svaim telehram-kanale hubiernatar vobłaści Alaksandr Draździenka.
«Pažarnyja i ratavalniki likvidujuć pažar, jaki ŭźnik u vyniku vybuchu na hazapravodzie pamiž Biernhardaŭkaj i Kavalova», — skazaŭ jon.
Pavodle jaho słoŭ, pahrozy dla nasielnictva i raspaŭsiudžvańnia ahniu na žyłyja masivy niama. Pryčyny vybuchu vyśviatlajucca, dadaŭ jon.
«Pavodle papiaredniaj infarmacyi, tušeńnie ahniu viadziecca na hazazapravačnaj stancyi ŭ rajonie Usievałažska siłami dźviuch bryhad ratavalnikaŭ», — paviedamili ŭ abłasnoj administracyi.