U «śpis ekstremistaŭ» dadali jašče 178 čałaviek
25 listapada MUS čarhovy raz abnaviła «Pieralik hramadzian Biełarusi, zamiežnych hramadzian abo asob biez hramadzianstva, jakija majuć dačynieńnie da ekstremisckaj dziejnaści». Bolšaja častka ź ich — asudžanyja pavodle art. 342 i 369 Kryminalnaha kodeksa, jakija ciapier «adbyvajuć pakarańnie». U Śpis unosiać siemjami i cełymi rehijonami: tolki ŭ hetym abnaŭleńni naličvajecca 36 babrujcaŭ. Usiaho ciapier u śpisie 2059 čałaviek, piša «Viasna».
Tak, u śpis trapili palitźniavolenaja aktyvistka Palina Šarenda-Panasiuk, departavany fihurant «spravy karahodaŭ» Daniił Čamadanaŭ. Druhi raz u śpis unieśli asudžanaha Andreja Masłava — studenta, jaki «chacieŭ dapamahać Ukrainie», asudžanuju da «chatniaj chimii» kieramistku Natallu Karniejevu.
Praces uklučeńnia ŭ «ekstremiscki śpis» apošnim časam nastolki intensifikavaŭsia i staŭ nastolki advolnym, što jon užo pierastaŭ być niejkaj asablivaj adznakaj. Z takimi tempami ŭ jaho chutka prosta pieraniasuć biez asablivaha razboru proźviščy z usich inšych baz, składzienych represiŭnymi orhanami režymu z 2020 hoda.