U Žłobinie 17‑hadovy junak vykinuŭsia z akna, nie vytrymaŭšy ździekaŭ
Ad atrymanych pry padzieńni traŭmaŭ chłopiec pamior.
Prakuratura Žłobinskaha rajona raspačała kryminalnuju spravu pa fakcie daviadzieńnia da samahubstva 17‑hadovaha junaka, jaki, nie vytrymaŭšy ździekaŭ 28‑hadovaha miascovaha žychara, vykinuŭsia z akna kvatery na trecim paviersie.
Mužčyna, raniej sudzimy, znachodziačysia ŭ niećviarozym stanie, zaprasiŭ na razmovu ŭ svaju kvateru junaka. Začyniŭšy dźviery, jon staŭ ździekvacca ź jaho roznymi sposabami.
Kali haspadar pavioŭ chłopca ŭ vannuju, kab pakinuć jaho tam sa svaim ratviejleram, małady čałaviek kinuŭsia da akna i skočyŭ z treciaha paviercha.
Junak pamior ad traŭmaŭ, atrymanych pry padzieńni.
Zaviedziena kryminalnaja sprava, padazravany zatrymany