Palitźniavolenaha žychara Žłobina asudzili da troch hod kałonii pa «spravie Zielcera»
Homielski abłasny sud u zakrytym pasiadžeńni 24 listapada vynies prysud žycharu Žłobina, palitviaźniu Siarhieju Ślažovu, abvinavačanamu ŭ abrazie Łukašenki (č. 1 art. 368 Kryminalnaha kodeksa) i raspalvańni inšaj sacyjalnaj varožaści (č. 1 art. 130 Kryminalnaha kodeksa), piša «Viasna».
Spravu razhladaŭ sudździa Rusłan Caruk.
Palitźniavoleny Siarhiej Ślažoŭ byŭ zatrymany 29 vieraśnia 2021 hoda ŭ Žłobinie pa kryminalnaj spravie, zaviedzienaj za kamientary ŭ internecie paśla hibieli supracoŭnika KDB Dźmitryja Fiedasiuka i it-śpiecyjalista Andreja Zielcera padčas pierastrełki ŭ Minsku.
U siaredzinie śniežnia 2021-ha stała viadoma ab pieravodzie Siarhieja z žodzinskaj ST №8 u homielski SIZA-3.
Padrabiaznaści abvinavačańnia Ślažova pakul nieviadomyja.
Jon byŭ pryznany vinavatym i pakarany pazbaŭleńniem voli ŭ kałonii va ŭmovach ahulnaha režymu terminam na try hady.