U Hrodnie vyniesieny jašče adzin prysud pa «spravie Zielcera»
U Hrodzienskim abłasnym sudzie 28 listapada vyniesieny prysud 40-hadovamu Siarhieju Anufryjenku, abvinavačanamu ŭ abrazie pradstaŭnika ŭłady (art. 369 Kryminalnaha kodeksa), prezidenta (č. 1 art. 368) i raspalvańni inšaj sacyjalnaj varožaści (č.1 art 130), paviedamlaje «Viasna».
Kryminalnuju spravu, razhlad jakoj pačaŭsia 21 listapada, vioŭ sudździa Alaksandr Kozieł.
Viadoma, što palitźniavolenaha Siarhieja Anufryjenku zatrymali ŭ Hrodnie 29 vieraśnia 2021 hoda pa kryminalnaj spravie, zaviedzienaj za kamientary ŭ internecie paśla hibieli supracoŭnika KDB Dźmitryja Fiedasiuka i it-śpiecyjalista Andreja Zelcera ŭ Minsku padčas pierastrełki.
Sud pryznaŭ Anufryjenku vinavatym i vynies abvinavaŭčy prysud: pazbaŭleńnie voli ŭ kałonii va ŭmovach ahulnaha režymu terminam na dva hady.
Padtrymajcie palitviaźnia paštoŭkaj albo listom: Turma-1, h. Hrodna, vuł. Kirava 1, 230023, Siarhiej Piatrovič Anufryjenka.