Kupałaŭski začynicca na rekanstrukcyju letam 2010 hoda
Rekanstrukcyja Nacyjanalnaha akademičnaha teatra imia Janki Kupały (Kupałaŭskaha teatra) u Minsku, jak miarkujecca, pačniecca ŭ kancy druhoha kvartała 2010 hoda.
Pra heta paviedamiŭ namieśnik hienieralnaha dyrektara teatra Iosif Turko.
Pavodle jaho słoŭ, architekturny prajekt rekanstrukcyi Kupałaŭskaha teatra byŭ uchvaleny 7 kastryčnika na pasiadžeńni Biełaruskaj respublikanskaj navukova‑mietadyčnaj rady pa pytańniach historyka‑kulturnaj spadčyny pry Ministerstvie kultury. Adnak pačatak rekanstrukcyi dakładna nieviadomy, tamu što pakul nie ŭchvalena finansavańnie prajekta.
Jak paviedamiŭ Turko, architekturny prajekt rekanstrukcyi raspracavany pa archiŭnych dakumientach. Pad scenaj płanujecca raźmiaścić dvuchuzroŭnievy repietycyjny pakoj, pad administracyjnaj častkaj teatra — składskija pamiaškańni, dzie buduć zachoŭvacca rekvizit, dekaracyi. Ciapier dekaracyi pryvoziacca ŭ teatr sa składa, raźmieščanaha ŭ druhoj častcy horada. Rekanstrukcyja budzie vieścisia ŭ miežach toj terytoryi, jakuju zajmaje teatr ciapier.