Łaŭroŭ: U nas i Stalinhrad byŭ našaj terytoryjaj
Ministr zamiežnych spraŭ Rasii patłumačyŭ, navošta Rasija bje pa Chiersonie, kali ličyć jaho svaim.
Kiraŭnik MZS RF Siarhiej Łaŭroŭ paraŭnaŭ Chierson i Stalinhrad, kali jaho paprasili adkazać na pytańnie, navošta rasijskija vojski abstrelvajuć infrastrukturu ŭ horadzie, jaki ličać svajoj terytoryjaj.
«Nu, u nas i horad Stalinhrad byŭ našaj terytoryjaj. I my tam niemcaŭ bili i tak bili, što jany adtul uciakli», — zajaviŭ Łaŭroŭ.
Łaŭroŭ taksama adznačyŭ, što ŭdary pa enierhietyčnaj infrastruktury Rasija nanosić z metaj nie dazvolić «napampoŭvać Ukrainu śmiarotnaj zbrojaj, kab zabivać ruskich».
Rasija anieksavała Chiersonskuju vobłaść u pačatku kastryčnika. Na toj momant rasijskija vojski kantralavali praktyčna ŭvieś rehijon. U pačatku listapada rasijanie adstupili z Chiersona na levy bierah Dniapra, a ŭ sam horad uvajšli USU.