U Minsku pabudujuć armianskuju carkvu
Chram źjavicca na vulicy Filimonava. Kiraŭnik Nova-Nachičevanskaj i Rasijskaj jeparchii Armianskaj apostalskaj carkvy arcybiskup Jezras aśviaciŭ vyłučany ŭčastak i zakłaŭ kapsułu ŭ fundamient chrama. Pra heta ahienctvu «Minsk-Naviny» raspaviała arhanizatar minskaj armianskaj maładziožnaj abščyny Kryścinie Ahanisian.
Fota: armenianchurch.by
Carkva budzie vyšynioju 24 mietry. «Chram stanie dušoj biełaruskich armian. Bo mienavita chram napaŭniaje dušu Boham», — skazała Ahanisian.
U Biełarusi žyvuć kala 8,5 tysiač armian, ź ich amal 2 tysiačy — u biełaruskaj stalicy. U Minsku pracuje niadzielnaja škoła, vydajecca internet-hazieta, stvorany ansambl «Erebuni».
— Staličnaja abščyna niešmatlikaja, ale vielmi družnaja, — kaža Ahanisian. — Udzielniki bieražliva zachoŭvajuć i pieradajuć nacyjanalnyja tradycyi nastupnym pakaleńniam. Navat tyja, chto naradziŭsia i vyras u Biełarusi, dakładna ŭśviedamlajuć siabie armianami i vielmi čakajuć adkryćcia chrama.