Charvatyja pa pienalci vybiła Japoniju. Charvacki bramnik adbiŭ try ŭdary!
Asnoŭny i dadatkovy čas skončyŭsia ź likam 1:1. A ŭ sieryi pienalci charvaty byli macniejšymi. Pryčym ich varatar Daminik Livakavič adbiŭ try ŭdary!
Daminik Livakavič. Fota: Luca Bruno / AP
Asnoŭny čas skončyŭsia ź likam 1:1. U kancy pieršaha tajma hoł zabiŭ Dajdzen Maedu. Ale na 55-j chvilinie Ivan Pieryšyč lik zraŭniaŭ. Dadatkovy čas hałoŭ nie prynios.
A ŭ sieryi pienalci ŭdača ŭśmichnułasia charvatam. Pryčym ich varatar Daminik Livakavič adbiŭ try ŭdary z čatyroch (3:1 pa pienalci).
U čverćfinale charvaty ŭ piatnicu zhulajuć ź pieramožcam matča Brazilija — Kareja, jaki pačniecca siońnia ŭ 22:00.
U aŭtorak na mundyjali projduć zaklučnyja matčy 1/8 finału: Ispanija — Maroka (18:00) i Partuhalija — Šviejcaryja (22:00).
Dźvie pary čverćfinalistaŭ užo viadomyja: Arhiencina — Niderłandy, Anhlija — Francyja.