Lenin pad klonam
pošta redakcyi
«Cientralnuju płoŝad́ (biełorusskoho horoda) možno uznať po šahajuŝiemu Iljiču» (ANT, 28.08.2009).
A jašče možna dadać dla bolšaj paŭnaty — strohamu, zadumlivamu ci to pazityŭnamu. Sotni i sotni «Leninaŭ» pa ŭsioj Biełarusi. Redkaja źjava stałasia ŭ Niaśvižy ŭ 90‑ia hady minułaha stahodździa: pry rekanstrukcyi administracyjna‑hramadskaha i kulturnaha centra horada pomnik Leninu byŭ pieraniesieny ź vidnaha miesca na Centralnaj płoščy (byłaja Rynkavaja) da jaje ŭskrainy. Iljič pierajšoŭ jak by «na kanśpiracyju» i akazaŭsia akurat… pad zvyčajnym klonam. A hałava praź dziesiatak hadoŭ stajańnia pravadyra dyk uvohule amal usia zakryvajecca zaraz listami hetaha dreva…
Mižvoli naradzilisia radki:
- Narody vioŭ jon na zmahańnie
I šlach rukoju aśviaciŭ.
Ciapier da klona na spatkańnie
Pryjšoŭ. Jak junakom chadziŭ.
- Dziaŭčyna taja mo nie pryjdzie…
Jon tvar listotaju prykryŭ,
Bo kryŭda kraskaju ŭzydzie,
Jak abśmiaje jaho paryŭ…
- Kali kazać užo surjozna —
Iljič, ty pravilna zrabiŭ.
Choć nie adrazu, trochi pozna,
A ŭsio‑tki miesca sastupiŭ.