Mužčynu vinavaciać, što jon pakinuŭ 43 tysiačy kamientaroŭ u pratesnych supołkach
«Naša Niva» identyfikavała čałavieka, suprać jakoha zaviali 58 kryminalnych spraŭ.
Siarhiej Mardziłovič. Fota: sacsietki
Pa našych źviestkach, zatrymanaha kličuć Siarhiej Mardziłovič, jamu 45 hadoŭ. Apošnija hady jon pracavaŭ mieniedžaram pa mižnarodnych pieravozkach minskaj kampanii «Transhłobał».
My pravieryli telehram-akaŭnt, jaki HUBAZiK demanstruje ŭ videa — mužčyna sapraŭdy vielmi aktyŭna kamientavaŭ roznyja dopisy ŭ bolš čym 30-ci hrupach. Telehram-akaŭnt byŭ bolš-mienš prystojna abaronieny, ale jon nie mianiaŭ jaho z 2018 hoda.
Siłaviki vinavaciać jaho ŭ «pahrozach dziaržsłužačym u internecie». A taksama byccam by ŭ pieradačy niejkich źviestak pra svajho byłoha adnakłaśnika-siłavika ŭ «Čornuju knihu Biełarusi».