Maryja Kaleśnikava zastajecca ŭ sančastcy homielskaj kałonii
Pra toje, što Kaleśnikava praciahvaje adnaŭlacca paśla niebiaśpiečnaj chvaroby ŭ sančastcy homielskaj kałonii, paviedamlaje telehram-kanał Viktara Babaryki.
Pa słovach administracyi kałonii, Maša adčuvaje siabie niadrenna. U jaje narmalny apietyt, svajakam dazvolili pieradać joj ježu, jakaja padychodzić dla najchutčejšaha adnaŭleńnia. Praŭda, na minułym tydni advakata da jaje nie puścili.
29 listapada stała viadoma, što Maryja Kaleśnikava apynułasia ŭ reanimacyi — jaje ekstranna praapieryravali z-za prabadnoj jazvy. 5 listapada baćku Kaleśnikavaj atrymałasia nienadoŭha ŭbačyć dačku, kali jaje pieraviali ŭ miedčastku kałonii.