Hrecyja zakryła pavietranuju prastoru dla biełaruskich samalotaŭ
Hrecyja zakryła svaju pavietranuju prastoru dla biełaruskich samalotaŭ i zabaraniła svaim avijakampanijam paloty nad terytoryjaj Biełarusi. Pra heta paviedamlaje hreckaje infarmahienctva Pentapostagma sa spasyłkaj na dyrektyvu ŭpraŭleńnia hramadzianskaj avijacyi Hrecyi.
U dakumiencie skazana, što samalotam biełaruskich avijapieravozčykaŭ zabaraniajecca pasadka i ŭźlot na terytoryi Hrecyi i pralot nad joju. Dla humanitarnych i sanitarnych bartoŭ, a taksama avaryjnych vypadkaŭ zroblena vyklučeńnie.
Taksama hreckim avijapieravozčykam pry lubych rejsach zabaraniajecca vykonvać paloty praz pavietranuju prastoru Biełarusi, za vyklučeńniem nadzvyčajnych situacyj, kali heta patrabujecca ŭ metach biaśpieki.
Adznačajecca, što rašeńnie źviazana ź situacyjaj vakoł Ukrainy. Paviedamlajecca, što dziejańnie dyrektyvy, jakaja ŭviedziena z 21 śniežnia, praciahniecca pa 21 sakavika 2023 hoda.