Jak u 90-ja: u Viciebsku abakrali furu, što viezła bytavuju techniku z Rasii
Dalnabojščyk, jaki zanačavaŭ u Viciebsku, straciŭ častku hruzu — ź jaho fury vynieśli 32 pasudamyjnyja mašyny. Milicyja vyśvietliła, što pracavali «hastralory», pišuć «Narodnyja naviny Viciebska».
Ilustracyjnaje fota
Staličnaja kampanija zakupiła ŭ Rasii vialikuju partyju bytavoj techniki, ale častka jaje źnikła padčas stajanki fury ŭ Viciebsku.
Pa šlachu z RF kiroŭca fury spyniŭsia ŭ Viciebsku na načleh, a mašynu pakinuŭ na achoŭnaj stajancy. Na nastupny dzień jon ubačyŭ, što mašyna ŭzłamanaja, a častka techniki źnikła.
Supracoŭniki kryminalnaha vyšuku Kastryčnickaha RAUSa vyjšli na śled padazravanych — pa viersii siłavikoŭ, dziorzki kradziež u abłasnym centry ździejśniŭ kryminalny duet z Baranavičaŭ.
39 i 47-hadovy mužčyny zajechali na terytoryju stajanki, sarvali płomby z paŭpryčepa i zabrali 32 pasudamyjnyja mašyny.
Košt vykradzienaha tavaru składaje 33 000 rubloŭ. Kradzienuju bytavuju techniku advieźli ŭ Minsk, dzie paprasili znajomaha pradać pasudamyjki.
Siłavikam udałosia kanfiskavać tolki častku skradzienaha, padazravanyja ŭ ździajśnieńni kradziažu žychary Baranavičaŭ zatrymanyja.