U vajbiery złamyśniki kraduć akaŭnty. Jany mimikrujuć pad viadomyja hipiermarkiety
Milicyja z pačatku śniežnia zafiksavała niekalki dziasiatkaŭ vypadkaŭ kradziažoŭ ulikovych zapisaŭ hramadzian. Afierysty atrymlivajuć dostup da ich z dapamohaj fišynhavych spasyłak u vyhladzie promakoda ad viadomych anłajn-hipiermarkietaŭ.
U vajbiery paciarpiełym prychodzić apaviaščeńnie «Atrymaj kupon ad 10 da 50 rubloŭ u anłajn-hipiermarkiecie». Dla hetaha treba pierajści pa spasyłcy i ŭvieści svoj numar telefona. Dalej na pryładu prychodzić apaviaščeńnie z kodam, karystalnik uvodzić jaho, paśla čaho złamyśniki atrymlivajuć dostup da akaŭnta i deaktyvujuć jaho na pryładzie achviary.
Zatym kibiermachlary telefanujuć biełarusam z vykradzienych numaroŭ i pad roznymi padstavami ŭhavorvajuć aformić na svajo imia kredyt.
Kab nie stać achviaraj kibiermachlaroŭ, ni ŭ jakim vypadku:
— nie adkryvać spasyłki, adpraŭlenyja nieviadomymi karystalnikami;
— nie paćviardžać aktyvacyju dostupu da ŭlikovaha zapisu dla nieznajomych pryład;
— nie paviedamlać nieznajomcam razavyja paroli i kody dostupu z apaviaščeńniaŭ;
— nie pieradavać pašpartnyja źviestki, rekvizity bankaŭskich kart i inšuju kanfidencyjnuju infarmacyju.