Mininfarm prypyniŭ dziejnaść vydaviectva «Knihazbor» i zabaraniŭ pradavać knihi praz Wildberries
Farmalnaja pryčyna prypynieńnia dziejnaści vydaviectva «Knihazbor» — parušeńnie terminaŭ zvarotu ŭ Ministerstva infarmacyi z paviedamleńniem ab źmianieńni źviestak, abaviazkovych dla ŭklučeńnia ŭ Dziaržaŭny rejestr vydaŭcoŭ i vyrabnikoŭ drukavanych vydańniaŭ.
«Knihazbor» vydaje biełaruskamoŭnyja knihi. U apošnija hady ŭłady mietadyčna zakryvajuć biełaruskamoŭnyja vydaviectvy.
U toj ža čas na try miesiacy zabaranili handlavać knihami i praz sajt rasijskaj internet-kramy Wildberries. Mininfarm za niejkija parušeńni prypyniŭ dziejnaść TAA «IMVBRB» (heta jurasoba, pad jakoj pracuje brend) jak raspaŭsiudžvalnika drukavanaj pradukcyi na try miesiacy.
Jurasoby, jakija nie ŭvachodziać u rejestr raspaŭsiudžvalnikaŭ, nie mohuć handlavać palihrafičnaj pradukcyjaj u Biełarusi.