U Amierycy — lutyja marazy. Voś čamu heta aznačaje, što ŭ Jeŭropie i Biełarusi budzie ciopła
Pačałosia arktyčnaje ŭvarvańnie na terytoryju Kanady i ZŠA.
Na karcie bačnyja tempieratury pavietra nižejšyja za -20°C, a na paŭnočnym uschodzie chałady navat -30°C.
Palarnyja pavietranyja patoki nad Paŭnočnaj Amierykaj, jak praviła, spryjajuć miakkamu nadvorju ŭ Jeŭropie. Tłumačeńnie hetamu davoli prostaje: kali ledzianoje pavietra dasiahaje ŭschodniaha ŭźbiarežža ZŠA, jano sustrakajecca ź ciopłymi vodami Atłantyki (karta 2), što spryjaje farmavańniu i pahłybleńniu vielmi aktyŭnych baryčnych minimumaŭ «D» (abłaściej nizkaha cisku), jakija pieramiaščajucca na poŭnač Jeŭropy, padstaŭlajučy bolšuju častku jeŭrapiejskaha kantynienta pad paŭdniova-zachodni patok ciopłaha vietru.
U vyniku čaho ad Ispanii da zachadu RF moža stać prykmietna miakkaje nadvorje, paviedamlaje telehram-kanał «Nadvorje».