Mbape pastaviŭ try ŭmovy PSŽ
Forvard PSŽ Kilijan Mbape vystaviŭ try ŭmovy, pry jakich jon zastaniecca ŭ paryžskim kłubie.
Fota: Nastacha Pisarenko / AP
Pavodle źviestak krynicy OK Diario, 24-hadovy hulec choča, kab «PSŽ» pradaŭ Niejmara. Kłub sprabavaŭ pradać brazilca jašče minułym letam, kab dahadzić Mbape, adnak nie znajšłosia nivodnaha patencyjnaha pakupnika.
Jašče dva patrabavańni Mbape — heta padpisańnie forvarda «Totenchema» Hary Kiejna, u jakoha zakančvajecca kantrakt z łondanskim kłubam letam 2024 hoda, i zaprašeńnie na pasadu hałoŭnaha treniera «PSŽ» byłoha nastaŭnika «Reała» Ziniedzina Zidana.
Paviedamlajecca taksama, što kali kłub nie vykanaje hetyja patrabavańni, to Mbape moža syści z «PSŽ» albo nastupnym letam, albo paśla zakančeńnia kantrakta na pravach svabodnaha ahienta.