Siarhieju Čyhrynu dadali jašče 15 sutak
23 śniežnia mieŭ vyzvalicca paśla administracyjnaha aryštu słonimski žurnalist, piśmieńnik, krajaznaŭca Siarhiej Čyhryn. Adnak nie vyjšaŭ. Čyhryna pakinuli ŭ izalatary na vychadnyja i ŭ paniadziełak, 26 śniežnia, praviali čarhovy sud. Vierdykt — 15 sutak źvierchu, paviedamiła Biełaruskaja asacyjacyja žurnalistaŭ.
Siarhieja Čyhryna zatrymali 16 śniežnia, śledam sud Słonimskaha rajona pryznačyŭ jamu 7 sutak administracyjnaha aryštu — inkryminavali pieraposty z «ekstremisckich resursaŭ», choć nasamreč kalehi źviazvajuć jaho aryšt z raniejšaj pracaj u niedziaržaŭnych miedyja.
Siarhiej Čyhryn da apošniaha pracavaŭ zahadčykam litaraturnaj častki Słonimskaha dramatyčnaha teatra. Adnak paśla aryštu svajho daśviedčanaha supracoŭnika kiraŭnictva ŭstanovy, nie asabliva ŭnikajučy ŭ detali, 19 śniežnia u adnaasobnym paradku pryniało rašeńnie zvolnić.