Biełaruś viadzie pierahavory z MVF ab pavieličeńni kapitału dziaržbankaŭ za košt srodkaŭ biudžetu
Pra heta paviedamiŭ siońnia žurnalistam načalnik hałoŭnaha ŭpraŭleńnia bankaŭskaha nahladu, člen savieta dyrektaraŭ Nacyjanalnaha banka Biełarusi Siarhiej Dubkoŭ.
Pavodle słoŭ Siarhieja Dubkova, u adpaviednaści z damoŭlenaściami z fondam takija pytańni pavinny abmiarkoŭvacca z ekśpiertami MVF.
Havoračy ŭ cełym ab rabocie bankaŭskaha siektara ŭ Biełarusi, pradstaŭnik Nacbanka padkreśliŭ: «My robim dastatkova dla taho, kab źniešnija faktary nie paŭpłyvali na stabilnaść bankaŭskaj sistemy Biełarusi. Nacbanku ŭdajecca padtrymlivać nieabchodny ŭzrovień stabilnaści».
Pavodle acenki Siarhieja Dubkova, bankaŭskaja sistema krainy zavieršyć 2009 hod z prybytkam, adnak pakul składana skazać, jaki mienavita pamier prybytku budzie atrymany. Pa vynikach dzieviaci miesiacaŭ biahučaha hoda biełaruskija banki pavialičyli svoj prybytak na 20 pracentaŭ u paraŭnańni z anałahičnym pieryjadam minułaha hoda.
Pavodle słoŭ Siarhieja Dubkova, ciapier pytańnie prybytku źjaŭlajecca druhasnym u paraŭnańni ź nieabchodnaściu stvareńnia ŭ bankach reziervaŭ na pakryćcio mahčymych strat pa aktyvach, majučych kredytnuju ryzyku.