Sakratar RNBA Ukrainy: Kreml choča prapanavać karejski varyjant padziełu krainy
Kreml choča prapanavać karejski varyjant zamireńnia, jaki praduhledžvaje padzieł Ukrainy, zajaviŭ u intervju ŭkrainskamu telebačańniu sakratar Rady nacyjanalnaj biaśpieki i abarony Ukrainy Alaksiej Daniłaŭ.
Fota: pres-słužba prezidenta Ukrainy
«Nam ciapier prapanujuć karejski varyjant. Tak zvanaja ŭmoŭnaja «38 paralel». Voś tut takija ŭkraincy, a tut nie takija ŭkraincy… Dakładna viedaju, što adzin z varyjantaŭ, jakija jany mohuć nam prapanoŭvać — heta «38 paralel», — skazaŭ Daniłaŭ, majučy na ŭvazie paralel, pa jakoj padzielenyja Paŭnočnaja i Paŭdniovaja Karei.
Pavodle jaho słoŭ, namieśnik kiraŭnika Administracyi prezidenta Rasii Dźmitryj Kozak sustrakajecca z adstaŭnymi palitykami ŭ Jeŭropie i praź ich pieradaje ciapierašnim lidaram pasłańnie pra toje, što Rasija hatovaja na sastupki, kab zafiksavać ciapierašni status-kvo i prymusić Ukrainu da pieramirja.