U Varšavie projdzie viečaryna pamiaci teatraznaŭcy Alaksieja Strelnikava
Ź inicyjatyvaj pamiatnaha viečara vystupiŭ daśledčyk biełaruskaj litaratury, kulturołah, akcior Vasil Drańko-Majsiuk.
Alaksiej Strelnikaŭ. Fota ź jaho asabistaj staronki ŭ fejsbuku
«Pravodžu viečarynu, pryśviečanuju vydatnamu teatralnamu krytyku, režysioru, artystu, piedahohu, teatraznaŭcu i litaraturaznaŭcu Alaksieju Strelnikavu, jaki trahična zahinuŭ 17-ha śniežnia minułaha hoda. Usio zaroblenyja srodki pojduć siamji Alaksieja», — napisaŭ kulturny dziejač u svaich sacsietkach.
Vasil Drańko-Majsiuk adznačaje, što prahrama viečara tolki farmirujecca, i prapanuje ŭsim, chto choča dałučycca, vystupić, pisać jamu ŭ asabistyja paviedamleńni.
Namiečanaja data viečara — 27 studzienia a 19.00. Miesca — Varšava, Muziej Volnaj Biełarusi.
Teatralny krytyk i akcior Alaksiej Strelnikaŭ pamior u vyniku niaščasnaha vypadku 17 śniežnia. Jamu było 39 hadoŭ.