Piaskoŭ: My nie viadziom pieramovy ab pieramirji pa karejskim varyjancie
Paviedamleńni ŭkrainskich uładaŭ ab tym, što namieśnik kiraŭnika Administracyi prezidenta Rasii Dźmitryj Kozak sprabuje praz adstaŭnych jeŭrapiejskich palitykaŭ pieradać Zachadu prapanovy Kramla ab pieramirji va Ukrainie pa anałohii z «karejskim varyjantam» 38-j paraleli, nie adpaviadajuć rečaisnaści, zajaviŭ pres-sakratar kiraŭnika rasijskaj dziaržavy Dźmitryj Piaskoŭ.
«Heta niespraviadliva. Nichto pra heta nie kaža. Heta — čarhovaja vydumka», — skazaŭ jon žurnalistam, adkazvajučy na pytańnie, nakolki spraviadliva adpaviednaje śćvierdžańnie ŭkrainskich ŚMI.
«Kali ja pravilna razumieju, u ich sapraŭdy byli niejkija paviedamleńni, ale jany byli pra niejkaha inšaha čałavieka z proźviščam Kozak. U ich tam, pa-mojmu, ci to ŭ Radzie, ci to jašče dzieści jość čałaviek z takim proźviščam», — praciahnuŭ pradstaŭnik Kramla.
Raniej pra takija kantakty Dźmitryja Kozaka paviedamiŭ sakratar Rady nacyjanalnaj biaśpieki i abarony Ukrainy Alaksiej Daniłaŭ.