Na adnaho nastaŭnika — 14 vučniaŭ. Apublikavana statystyka ŭ śfiery adukacyi ŭ Minsku
A kolkaść najaŭnych miescaŭ u dziciačych sadach pieravyšaje popyt.
Zhodna sa statystykaj, na pačatak 2022/2023 navučalnaha hoda ŭ Minsku pracavała 469 ustanoŭ daškolnaj adukacyi z ahulnaj kolkaściu 82,8 tysiačy dziaciej. U hetym navučalnym hodzie ŭstanovy daškolnaj adukacyi naviedvajuć 99,8% dziaciej daškolnaha ŭzrostu.
Zabiaśpiečanaść dziaciej miescami va ŭstanovach daškolnaj adukacyi ŭ raźliku na 1000 dziaciej va ŭzroście 2—5 hadoŭ u 2022 hodzie skłała 1 100 miescaŭ (10 dziaciej na 11 miescaŭ).
Kolkaść piedahahičnych rabotnikaŭ va ŭstanovach daškolnaj adukacyi skłała 12,1 tys. čałaviek.
Na pačatak 2022/2023 navučalnaha hoda ŭ Minsku naličvałasia 269 ustanoŭ ahulnaj siaredniaj adukacyi z kolkaściu navučencaŭ 223,6 tys. čałaviek, što na 466 čałaviek (na 0,2%) bolš, čym na pačatak papiaredniaha navučalnaha hoda.
Kolkaść nastaŭnikaŭ (u tym liku sumiaščalnikaŭ) va ŭstanovach ahulnaj siaredniaj adukacyi ŭ biahučym navučalnym hodzie skłała 15,6 tys. čałaviek.
Na adnaho nastaŭnika prychodzicca ŭ siarednim 14 vučniaŭ.
Atestat ab ahulnaj siaredniaj adukacyi ŭ 2022 hodzie atrymali 11,2 tys. vypusknikoŭ škoł. Paśviedčańnie ab ahulnaj bazavaj adukacyi atrymali 19,1 tys. vypusknikoŭ 9-ch kłasaŭ.
Na pačatak 2022/2023 navučalnaha hoda ŭ Minsku funkcyjanavała 25 ustanoŭ prafiesijna-techničnaj adukacyi z kolkaściu navučencaŭ 11 tys. čałaviek.
Dla atrymańnia prafiesijna-techničnaj adukacyi ŭ 2022 hodzie pryniata 4,5 tys. navučencaŭ, pry hetym 92,1% navučencaŭ dzionnaj formy navučańnia — pa dahavorach i zajaŭkach z arhanizacyjami — zakazčykami kadraŭ.
U 2022 hodzie ŭstanovy prafiesijna-techničnaj adukacyi padrychtavali i vypuścili 3,8 tys. kvalifikavanych rabočych i słužačych. Pa dźvie i bolš kvalifikacyi atrymali 80,8% vypusknikoŭ dzionnaj formy navučańnia, z pavyšanym uzroŭniem kvalifikacyi — 71,1% vypusknikoŭ.
Atrymańnie siaredniaj śpiecyjalnaj adukacyi ŭ stalicy na pačatak 2022/2023 navučalnaha hoda zabiaśpiečvali 48 ustanoŭ, kolkaść navučencaŭ jakich skłała 31,2 tys. čałaviek. U raźliku na 10 tys. čałaviek nasielnictva Minska prypadaje 156 navučencaŭ ustanoŭ siaredniaj śpiecyjalnaj adukacyi.
Za košt biudžetnych srodkaŭ siaredniuju śpiecyjalnuju adukacyju atrymlivajuć 53% usich navučencaŭ, u dziaržaŭnych ustanovach na dzionnaj formie navučańnia — 66,8%.
U 2022 hodzie va ŭstanovy siaredniaj śpiecyjalnaj adukacyi pastupili 11,2 tys. čałaviek.
Vypusk śpiecyjalistaŭ ź siaredniaj śpiecyjalnaj adukacyjaj u 2022 hodzie skłaŭ 8,4 tys. čałaviek, ź ich 46,7% atrymali adukacyju za košt biudžetnych srodkaŭ na dzionnaj formie navučańnia.
U 27 ustanovach vyšejšaj adukacyi Minska na pačatak 2022/2023 navučalnaha hoda na pieršaj stupieni sistemy vyšejšaj adukacyi navučalisia 129 tys. studentaŭ.
Za košt biudžetnych srodkaŭ navučajucca 44,8% usich studentaŭ, u dziaržaŭnych ustanovach vyšejšaj adukacyi na dzionnaj formie navučańnia — 58,2%.
U 2022 hodzie studentami stali 31,6 tys. čałaviek. Śpiecyjalnaści ekanamičnaha i jurydyčnaha profilu vybrali 33,9% pieršakurśnikaŭ, techničnaha i budaŭničaha — 26,6%, piedahahičnaha — 6,5%, sielskahaspadarčaha — 5,5%, sacyjalnaj nakiravanaści — 4,9%.
Vypusk śpiecyjalistaŭ z vyšejšaj adukacyjaj u 2022 hodzie skłaŭ 31 tysiaču čałaviek. Z ahulnaj kolkaści vypusknikoŭ 10,1 tys. čałaviek, abo 32,6%, — vypuskniki, jakija atrymali śpiecyjalnaści ekanamičnaha i jurydyčnaha profilu.
Na druhoj stupieni sistemy vyšejšaj adukacyi stalicy na pačatak 2022/2023 navučalnaha hoda navučalisia 5,4 tys. mahistrantaŭ. U 2022 hodzie ŭ mahistraturu było pryniata 3,7 tys. čałaviek, dypłom mahistra atrymali 3,8 tys. čałaviek.
U raźliku na 10 tys. čałaviek nasielnictva stalicy prypadaje 673 studenty i mahistranty ŭstanoŭ vyšejšaj adukacyi.