U Kijevie druhi raz za ranicu prahrymieli vybuchi
Upieršyniu bolš čym za 10 dzion ułady Kijeva i vobłaści paviedamili pra ataki na abjekty krytyčnaj infrastruktury.
U Kijevie druhi raz za ranicu abviaścili pavietranuju tryvohu, paviedamlajecca ŭ telehram-kanale haradskoj vajennaj administracyi. Ułady zajavili pra rakietnuju ataku na stalicu. Pa słovach mera Vitala Kličko, vybuchi prahučali ŭ Dniaproŭskim rajonie horada. Jon paviedamiŭ taksama, što ŭ Hałasiejeŭskim rajonie na paŭdniovym zachadzie Kijeva na niežyłuju terytoryju ŭpali abłomki rakiety, nichto nie paciarpieŭ.
Namieśnik kiraŭnika Ofisa prezidenta Ukrainy Kiryła Cimašenka paviedamiŭ, što napadu padvierhnuŭsia abjekt krytyčnaj infrastruktury. U vajennaj administracyi horada heta paćvierdzili.
Kiraŭnik Ofisa ŭkrainskaha prezidenta Andrej Jarmak zaklikaŭ žycharoŭ nie ihnaravać sihnały tryvohi.
U Darnickim rajonie abłomkam rakiety paškodziła aŭtamabil.
Pavietranaja tryvoha taksama abvieščanaja ŭ Čarnihaŭskaj vobłaści.