Seks: «sindrom menedžera»
Seksualnaje žyćcio biełarusaŭ da kryzisu i paśla jaho.
«Da seksołahaŭ čaściej źviartajucca, naturalna, mužčyny. Bo imitavać erekcyju składaniej, čym imitavać arhazm žančynie, — kaža lekar-seksołah Źmicier Kapuścin , jaki za 35 hadovuju praktyku ŭžo pryniaŭ kala 50 tysiač pacyjentaŭ.
Kali kazać pra seksualnaje zadavalnieńnie, to prablem chapaje i ŭ mužčyn, i ŭ žančyn. Adnak žančyny čaściej za ŭsio nie prychodziać. Na moj pohlad hałoŭnaja pryčyna – heta zadavalnieńnie biez arhazmu. Žančyna moža pražyć usio žyćcio biez arhazmu, kali jana aryjentavana na asobu mužčyny, na toje, kab dać jamu radaść u žyćci. Jana nie chłusić, kali kaža, što «mnie z taboj dobra».
Prablemy ŭ seksualnaj śfiery rastuć z uzrostam: kali ŭ 20 hadoŭ kala 20% ludziej majuć nahodu pajści da seksołaha, to ŭ 40 hadoŭ — paradku 40%, u 60 hadoŭ — 60%.
Padčas finansavaha kryzisu ŭ ludziej stała bolej prablemaŭ i pieražyvańniaŭ, što nie lepšym čynam adbivajecca i na seksualnaj śfiery žyćcia. I
ntensiŭnyja niervovyja i fizičnyja nahruzki vybivajuć z kalainy. Mohuć navat pryvieści da «sindroma menedžera»:
«Viadoma ŭsie pamiatajuć svaje ispyty ŭ instytucie ci škole. Skažycie
za 20 chvilinaŭ da ispyta vam da seksu? Čałaviek z «sindromam menedžera» u takim stanie paničnaha stresu žyvie 24 hadziny apošnija niekalki hadoŭ. Jaho libida źnižajecca.
Samaje cikavaje, kali dać jamu zaspakajeńnie, adpuścić u adpačynak, adklučyć telefony, to jon zažyvie svaim zvyčajnym pałavym žyćciom. Potym viartajecca na pracu, litaralna dva‑try dni, i znoŭku žonka prychodzić nam skardzicca».
Paraŭnać statystyku, ci stała bolej prablem u seksualnym žyćci biełarusaŭ da finansavaha kryzisu i paśla jaho, Źmicier Kapuścin nie rašyŭsia:
«Usiu statystyku źbivajuć preparaty typu vijahry. Isnuje pryblizna 15 roznych lekaŭ, z padobnymi dziejańniami, ja ich usie ŭmoŭna nazyvaju «vijahraj».
Ja čuŭ, što
ŭ Biełarusi za vosiem miesiacaŭ hetaha hoda było pradadziena kala 65 kh takich preparataŭ — paradku 1 młn. 300 tabletak.U tydzień nabyvajecca paradku 40 tys. tabletak, i možna vykazać zdahadku, što kala 20‑30 tys. mužčyn siadziać na vijahry. A źviartajecca da lekara pryblizna 1.5 tysiačy, heta ŭ 20 raz mienš».
Kapuścin ličyć preparaty kštałtu vijahry nasamreč efiektyŭnymi. Adnak nielha zabyvacca na pabočnyja efiekty. Kali taki preparat vam nieabchodny, lepiej jaho nabyvać paśla razmovy ź lekaram, inakš jość ryzyka jašče bolš pahoršyć seksualnyja prablemy ci naškodzić zdaroŭju.
Finansavy kryzis, stomlenaść paśla pracy ci žyćciovyja pieražyvańni nie zaŭsiody źjaŭlajucca pryčynami seksualnych prablem. Byvaje, što hetyja čyńniki, — tolki «admazka» ad seksu.
«Usio zaležyć ad matyvacyi šlubu. – kaža Kapuścin. – Jak prykład, prychodzić da mianie žančyna i kaža, što jość prablemy seksualnaha i psichałahičnaha płanu, žadaje razvodzicca z mužam. Šeść hadoŭ jany pražyli razam, 3 miesiaca tamu ažanilisia, jana ŭžo na druhim miesiacy ciažarnaści. Zapytvaju jaje čamu źbirajeciesia raźvieścisia: «dyk jon ža debił!» Pytańnie, a čym ža jana dumała hetyja šeść hadoŭ.
Vastrynia adnosin moža skončycca pryblizna praz čatyry ci piać hadoŭ. Apjanieńnie kachańniem prachodzić, chimičnaja reakcyja kančajecca i važna nakolki hety čałaviek staŭ blizkim i darahim.
Tamu kachać treba zachlobvajučysia, hetulki času kolki ŭ vas atrymajecca. Byvajuć ža ludzi, jakija i pa 30, i pa 40 hadoŭ hladziać adzin na adnaho jak u pieršy raz»