Der Spiegel: Hiermanija hatovaja pieradać Ukrainie tolki 19 samych starych «Leapardaŭ»
Hiermanija moža pastavić Ukrainie tolki 19 tankaŭ Leopard 2, jakija vykarystoŭvajuć na vučeńniach dla imitacyi varožaj techniki. Pra heta paviedamlaje sa spasyłkaj na svaje krynicy Der Spiegel.
Tank Leopard na vučeńniach NATA ŭ Litvie. Fota: AP Photo/Mindaugas Kulbis
Pavodle infarmacyi vydańnia, usiaho ŭ Bundeśviery majecca 312 tankaŭ Leopard 2, pry hetym 99 pa stanie na sakavik 2022-ha znachodzilisia ŭ ramoncie, a adzin byŭ śpisany.
Pa słovach krynic Der Spiegel, Ukrainie mohuć pieradać 19 madelaŭ Leopard 2A5 z ułasnych zapasaŭ hiermanskich Uzbrojenych siłaŭ. Hetyja tanki vykarystoŭvajucca dla «demanstracyi sił praciŭnika» padčas bajavych vučeńniaŭ, jany nibyta imitujuć varožyja tanki.