Na miažy ź Litvoj sprabavali źniščyć litoŭskuju kamieru videanazirańnia
24 studzienia ŭviečary pamiežniki ź litoŭskaha Kapčamieścisa zafiksavali, jak da litoŭska-biełaruskaj miažy z boku Biełarusi padyšli dva čałavieki z drabinami i sprabavali ź niejkimi metami źniščyć kamieru videanazirańnia, paviedamlaje Delfi.
Asoby, jakija padyšli da miažy, prarezali niekalki siekcyj u zaharodzie. Paśla hetaha jany sprabavali nažnicami dla mietału źbić videakamieru i datčyk infračyrvonaha vypramieńvańnia. Datčyk im udałosia krychu zrušyć, ale da kamiery nažnicy nie daciahnulisia.
Litoŭskija pamiežniki adznačajuć, što takija nažnicy nosiać z saboj biełaruskija pamiežniki, jakija patrulujuć terytoryju, ich taksama vykarystoŭvajuć dla razrazańnia zaharod, kab adkryć prachod dla nielehałaŭ.
Paśla pryjezdu litoŭskich pamiežnikaŭ vandały źbiehli razam z drabinami.