Z Turcyi evakuiravali troch biełarusak ź dziećmi
Ministerstva zamiežnych spraŭ Biełarusi paviedamiła ŭ tvitary, što biełarusak z paciarpiełych ad ziemlatrusu rajonaŭ Turcyi vyvoziać samalotam Ministerstva abarony.
Na borcie znachodziacca try žančyny z tryma dziećmi.
«U hetyja chviliny jany viartajucca na radzimu», — havorycca ŭ paviedamleńni.
Usiaho na konsulskim uliku pasolstva ŭ Turcyi znachodziacca 418 biełaruskich hramadzian, ź jakich 53 žyvuć u pravincyjach, paciarpiełych ad ziemlatrusu.
Raniej paviedamlałasia, što ŭ horadzie Kachramanmarašy la Hazijantepa — epicentra ziemlatrusu — zahinuła biełaruska razam z mužam i dziećmi.
Taksama paviedamlałasia pra los inšaj biełaruski i jaje siamji — Alaksandry Akpynar z pravincyi Chataj. Žančynu i jaje muža znajšli i špitalizavali. U balnicy mužčyna pamior. Infarmacyi pra ich maleńkaha syna pakul niama.