Łukašenka padpisaŭ zakon ab źmienie Vybarčaha kodeksa
Alaksandr Łukašenka padpisaŭ zakon «Ab źmienie Vybarčaha kodeksa Respubliki Biełaruś», paviedamlaje jaho pres-słužba.
Abnoŭleny Vybarčy kodeks praduhledžvaje karektavańnie normaŭ u suviazi z zaćviardžeńniem novaj łukašenkaŭskaj kanstytucyi. U im uvodziacca novyja cenzy dla deputataŭ, a taksama prapisvajecca pracedura farmavańnia Usiebiełaruskaha narodnaha schodu.
Da kandydataŭ u deputaty ŭvodziacca dadatkovyja patrabavańni, takija jak niedapuščalnaść najaŭnaści hramadzianstva zamiežnaj dziaržavy, Karty palaka i inšych padobnych dakumientaŭ.
Taksama admienieny paroh jaŭki vybarščykaŭ dla pryznańnia vybaraŭ u Pałatu pradstaŭnikoŭ takimi, što adbylisia, zabaronienyja fota- i videazdymka zapoŭnienaha biuletenia.
Źmienieny taksama čas daterminovaha hałasavańnia. Jano budzie prachodzić z 12 da 19 hadzin bieź pierapynku (było z 10 da 14 hadzin i z 16 da 19 hadzin).