Palitviaźnia asudzili na 2,5 hoda kałonii za ŭdzieł u maršy i za kamientaryi
U Mahiloŭskim abłasnym sudzie vynieśli prysud 34-hadovamu palitźniavolenamu minčuku Andreju Šunkieviču, zatrymanamu za kamientaryi jašče ŭ kancy vieraśnia 2021 hoda. Chłopca abvinavacili va ŭdziele ŭ Maršy 16 žniŭnia 2020 hoda i napisańni abraźlivych kamientaryjaŭ pra siłavikoŭ, praŭładnych aktyvistaŭ i Łukašenku, piša «Viasna».
Sudździa Alena Kartavienka asudziła Šunkieviča pa čatyroch artykułach Kryminalnaha kodeksa i pryznačyła jamu dva z pałovaj hady kałonii va ŭmovach ahulnaha režymu.
Pavodle viersii abvinavačvańnia, Šunkievič 16 žniŭnia 2020 hoda ŭ Minsku «pryniaŭ aktyŭny ŭdzieł u niezakonnym masavym mierapryjemstvie, inicyjavanym ekstremisckaj arhanizacyjaj».