U Viciebskaj vobłaści šmat nasielenych punktaŭ zastalisia biez elektryčnaści
Mocny śnieh z paryvistym vietram prajšoŭ nočču i ranicaj u Viciebskaj vobłaści. U vyniku ŭ niekatorych rajonach bolš za sotniu pasieliščaŭ zastalisia bieź śviatła. Enierhietyki Viciebščyny pravodziać adnaŭlenčyja raboty ŭ 113 nasielenych punktach.
«Asnoŭnaja pryčyna avaryjnych adklučeńniaŭ — mocny śnieh i viecier, jakija vyklikali padzieńnie dreŭ i ich halin na pravady linij elektrapieradačy», — raskazali ŭ «Viciebskenierha».
Najbolš paciarpieli ad stychii Połacki, Lepielski, Rasonski, Ušacki, Biešankovicki, Haradocki i Šumilinski rajony.
Pa infarmacyi viedamstva, apieratyŭny piersanał zahadzia byŭ pieraviedzieny ŭ režym pavyšanaj hatoŭnaści, enierhietyki adrazu ž prystupili da avaryjna-adnaŭlenčych rabot. Pa stanie na 11:00 25 lutaha ŭ likvidacyi nastupstvaŭ niepahadzi byli zadziejničanyja 31 bryhada ŭ składzie bolš čym 100 čałaviek i 33 adzinki techniki.
Pracu enierhietykaŭ uskładniajuć pavalenyja drevy na darohach i prasiekach, jakija pieraškadžajuć śpiecyjalnaj technicy chutka dabracca da miescaŭ paškodžańniaŭ.