Litva stała praviarać hruzaviki na miažy z Polščaj
Z 26 lutaha Litva pačała praviarać u dalnabojščykaŭ dazvoły na pajezdki na litoŭska-polskaj miažy. Robicca heta na miescy byłoha pamiežnaha punkta «Kalvaryja», a praviarajuć supracoŭniki administracyi biaśpieki transpartu, darožnaja palicyja, pamiežniki i mytnia Litvy, paviedamlaje litoŭskaje ŭpraŭleńnie biaśpieki na transparcie.
Dakumienty na prajezd praviarajuć u kiroŭcaŭ hruzavikoŭ, nie zarehistravanych u Šenhienskaj zonie. Pry adsutnaści dazvołaŭ na prajezd praź Litvu takija aŭtamabili nie prapuskajuć. Jak doŭha budzie dziejničać takaja pravierka, zaležyć ad raźvićcia situacyi, kaža litoŭski bok.
Dziejańni litoŭskich uład mohuć być źviazanyja ź biełaruska-polskim transpartnym kanfliktam, jaki razharnuŭsia ŭ apošnija tydni paśla vyniasieńnia 8-hadovaha prysudu polskamu aktyvistu Andreju Pačobutu.