Śviatłanie Cichanoŭskaj prysudzili 15 hadoŭ, Łatušku — 18
Minski haradski sud zavočna prysudziŭ Śviatłanie Cichanoŭskaj 15 hadoŭ pazbaŭleńnia voli. Taki prysud vynies sudździa Piotr Arłoŭ pa zapycie prakurora Michaiła Kavalova. Prakuror, praŭda, prasiŭ 19 hadoŭ. Vialikija terminy atrymali i inšyja abvinavačanyja pa spravie.
Kali b Cichanoŭskaja była ŭ Biełarusi, to musiła b adbyvać pakarańnie ŭ kałonii ahulnaha režymu.
Usie inšyja abvinavačanyja pa «spravie Kaardynacyjnaj rady» taksama pryznanyja vinavatymi pa ciažkich kryminalnych artykułach. Razam ź Cichanoŭskaj zavočna sudzili Paŭła Łatušku, Volhu Kavalkovu, Maryju Maroz i Siarhieja Dyleŭskaha.
Łatuška atrymaŭ 18 hadoŭ uzmocnienaha režymu, a Maryi Maroz, Volzie Kavalkovaj i Siarhieju Dyleŭskamu pryznačyli pa 12 hadoŭ kałonii.