Pamior pieršy Apostalski Nuncyj u Biełarusi
3 žniŭnia 2006 h., u Vatykanie, va ŭzroście 76 hadoŭ, pamior Habryel Mantalvo, pieršy Apostalski Nuncyj u Biełarusi.
Kałumbijec pa nacyjanalnaści, arcybiskup Mantalvo doŭhija hady pracavaŭ u Dziaržaŭnym sakrataryjacie Apostalskaj Stalicy, dzie zajmaŭsia spravami Kaścioła va Uschodniaj Jeŭropie, u tym liku i ŭ Biełarusi.
U 1974 h. jon atrymaŭ biskupskaje paśviačeńnie z ruk Papy Paŭła VI.
U pieryjad z 1974 pa 1980 hady byŭ Apostalskim Nuncyjem u Nikarahua i Handurasie.
U 1986 h. jon byŭ Pra-Nuncyjem u Paŭnočnaj Afrycy: Ałžyry, Tunisie i Livii, a ŭ 1986–1996 hh. – u Juhasłavii.
U 1993 h. arcybiskup H. Mantalvo byŭ pryznačany Papam Janam Paŭłam II pieršym Apostalskim Nuncyjem u Biełarusi i vykonvaŭ svaje abaviazki da 1996 h.
U pieryjad z 1993 pa 1998 hh. jon adnačasova kiravaŭ Papskaj dypłamatyčnaj akademijaj u Rymie.
U 1998 h. byŭ pryznačany Apostalskim Nuncyjem u Złučanyja Štaty Amieryki i spaŭniaŭ svaju misiju da 2005 h.
U subotu, 5 žniŭnia, žałobnuju śviatuju Imšu ŭ vatykanskaj bazylicy śviatoha Piatra ŭznačaliŭ Dziaržaŭny sakratar Apostalskaj Stalicy kardynał Andžeło Sadano. Kala truny śviatoj pamiaci arcybiskupa Habryel Mantalvo malilisia były Apostalski Nuncyj u Biełarusi arcybiskup Daminik Hrušoŭski i Apostalski Administratar dla hreka-katolikaŭ na Biełarusi Archimandryt Siarhiej Hajek.