Polšča pieradała Ukrainie pieršyja MiH-29
Polšča pieradała Ukrainie niekalki pieršych źniščalnikaŭ MiH-29, paviedamlaje «Jeŭrapiejskaja praŭda» sa spasyłkaj na kiraŭnika Ofisa mižnarodnaj palityki prezidenta Polščy Marcina Pšydača.
Pšydač adznačyŭ, što, pavodle jaho infarmacyi, praces zaviaršyŭsia ŭ častcy pieradačy pieršaj častki samalotaŭ.
Padčas vizitu prezidenta Uładzimira Zialenskaha ŭ Polšču 5 krasavika budzie iści razmova ab pieradačy inšych adzinak avijacyi.
Pšydač nie ŭdakładniŭ, kolki samalotaŭ atrymała Ukraina ŭ pieršaj partyi. Ale prezident Polščy Andžej Duda 16 sakavika anansavaŭ pieradaču Ukrainie čatyroch MiH-29 u najbližejšyja dni.
17 sakavika ŭrad Słavakii na pazačarhovym pasiadžeńni pryniaŭ rašeńnie pieradać Ukrainie 13 źniščalnikaŭ MiH-29. Pieršyja čatyry ź ich užo adpravili va Ukrainu.